ZORAM TODAY| Aizawl 6th June, 2024 (Thurs): Vaivakawn Local Council leh all NGO tangkawp chuan naktip ni 8.6.2024 (Inrinni) hian an veng chhunga ruihhlo ti leh zuar tam lutuk ti rem turin beihpui an thlak tan dawn.

May ni 5 ,2024 zana Vaivakawn Vantlang Inkhawm in a rel angin, ruihhlo do beihpui thlak hawnna mipui punkhawm programme chu Vaivakawn- Sairang kawngah neih a ni ang. Chawhma dar 10:30 AM atangin kawng zawh tan tur a ni dawn a, dar 11:00 AM ah Sairang kawng remchang lai Petrol Pump chhakah hun hman a ni ang.

He hun ah hian Aizawl West II bialtu MLA leh Excise Minister Lalnghinglova Hmar bakah Excise department hotute pawh an tel dawn nia thudawn a ni.

Vaivakawn LC leh all NGO chuan,"Kan veng then thianghlimna programme pawimawh takah hian Vaivakawn a cheng chhungkawtin atangin mi pakhat aia tlem lo tel ngei ngei tûrin kan in hriattir a ni," an ti.

"Vaivakawn lo ṭawp ta lutuk thian thianghlim tur hian veng mipui leh chhungtin ten mawhphurhna kan nei vek a ni tih hre thar theuh ila. He hmalaknaah hian chhungtin te kal theuh turin Vaivakawm Local Council leh all NGO meeting chuan min ngen a ni. Hei hi mitin in i ngai  pawimawh theuh ang u," tiin an tarlang.